Redmi Note 7 sapo është prezantuar dy ditë më parë , por njoftimit zyrtar i mungonte një referencë për një veçori të rëndësishme - që pajisja ka një lloj hidroizolimi. CEO i Xiaomi, Lei Jun, e konfirmoi këtë sot në Weibo.
Αthekson në mesazhin e tij se ekipi i inxhinierëve bëri një përpjekje të madhe për të dizajnuar vula të mbyllura në të gjitha pikat e dobëta të pajisjes - porta e kartës SIM, porta USB-C, foleja audio 3,5 mm, e njëjta gjë dhe për çelësat dhe kamerën, pasi rreth tyre ka filma të veçantë mbrojtës. Përveç kësaj, ka një membranë në altoparlant.
Pavarësisht çmimit të ulët të pajisjes, Lei Jun thotë se ka kaluar të njëjtat teste cilësore si modelet flagship të Xiaomi. Për ta vërtetuar këtë, kompania zgjat periudhën standarde të garancisë 12-mujore në 18-mujore në Kinë.
Sigurisht, Redmi Note 7 nuk është i certifikuar IP, por ka shumë të ngjarë që pajisja do t'i mbijetojë disa spërkatjeve, pikave të rastësishme të ujit dhe në përdorim të përditshëm, në një mjedis mesatarisht me pluhur. Sigurisht, shpresojmë që së shpejti të dalë jashtë Kinës.
